قصيده ( تفاحة الرحمن )
للشاعر سمير صبيح
نطفه اتحولت تفاحة الرحمن / انبي الامه هداهه الخالق الاكبر
ومن عاشر خديجه اتحولت زهراء / ومن عدهه وبعدهه اصار واشثمر
بعدهه برحم وتحاجي امه ابصوت / وتسليهه وترد وحشته من تكثر
وحشاءاً سيدي ينالون من بيش / وشارولك بغض كالولك الابتر
وجاك من السماء وبشرك جبريل / كلك كوم صلي الربك ونحر
موبس النبوه اعطاك من يحميك/ وكرم ربك عظيم اهدالك الكوثر
وهبة الله اجت ونولدت الزهراء / بكلوب الحقد نيران تتوجر
وأول ما طلع نورج حظنتي الدين/ ونطق كل الشهاده السانج وكبر
انولد نور الالاه وجن حور العين/ ببريق الجنان وصبن الكوثر
وضفتيله مسك بالمسك من لفوج/ والعنبر اخذ من ريحتج عنبر
الزكيه الطاهره الصديقة الزهراء / البتول الفاطمه المفطومه عن الشر
طوبى البلجنان اتميل للزهراء/ سبحان الالاه اشبدع وصور
النجوم البلسماء تزهر على اهل الكاع / والزهراء نور وللنجم ازهر
بضعه من النبي وهناك حبج دين / اذا اشتد العطش والروح تتفطر
وبتزويجج محمد مر عليه جبريل / نور النور زوج ربك القرر
اكثرهم علم وفظلهم علم معروف / مامولود بعده واسلم واجهر
ردتله الشمس فاته فرض بالدين / وشهر الصوم نفسه الطبرتك افطر
ومن اطلج دفعه وبيه اذاج / وبسمار الحقد باضلوعج اتبسمر
المحسن بالرحم بس طلع من الغيض / ياخذ ثار ضلعج لمن اتكسر
وبالسر دفنتج هذا افجع من الموت / علينه وعلى الضلع لليوم نتحسر
لوكون ابعلن دفنتج جا والله / تضل ارض البقيع الهل وكت تتفطر
وتره ابجف العسم ضلعج الصار السيف / من شفتي علي بالمسجد اطبر
ولحد اللان صوتج بالسماء ايفوح / وليسمع كلامج كلبه يتأثر
عليه اهموم صبت لو على الايام / جا صارت ليالي ونوره ادمر
ويا دم البغضكم ونتهه ومامات / بس دمكم عجيبه من اندفن خضر
يمر مثل البرق وعلى الصراط ايفوت / اليحبكم وليضد الان يتعثر
وبقى من المهد للاحد حبكم نور / وذا شاف الظلام النور يتاثر
مجالس بالكلب ننصب وحك عيناج / ونسوي من الدموع الخاطرج منبر
ويم رب العرش باجر حبيب الله / يرجعلج فدك والضلع يجبر
ليست هناك تعليقات:
إرسال تعليق